FOHO MATEBIAN BAUCAU

               Matebian Hanesan Foho Ida Ne'ebe A'as Liu Iha Municipio Baukau (2963 M) No Foho Ba-Dala Tolu Ne'ebe A'as Iha Timor-Leste.

Osso-Huna Mak Suco Ida Husi Suco Sanulu (10) Iha Sub-Distritu Baguia, Distritu Baucau. Geografikamente Suco Osso-Huna Lokaliza Iha Foho Matebian Nia Hun Ho Distansia Kilometru 8 Husi Sub-Distritu Baguia. Suco Osso-Huna Iha Aldeia Tolu (3) Ne’ebe Kompostu Husi Aldeia Betulari, Uaicadae No Uaibitai. Husi Aldeia Tolu Ne’e, Betulari Mak Uniku Aldeia Ne’ebe Koalia Lian Inan Naueti No Aldeia Rua Seluk Maioria Koalia Dialetu Makasa’e. Suco Osso-Huna, Husi Parte Lorosa’e Halo Baliza Ho Suco Afaloicai, Sub-Distritu Uatucarabau, Distritu Viqueque; Husi Parte Loromonu Iha Baliza Ho Sub-Distritu Quilicai, Distritu Baucau; Husi Parte Norte Iha Baliza Ho Suco Haeconi, Sub-Distritu Baguia, Distritu Baucau No Husi Parte Sul Nian Iha Baliza Ho Suco Afaloicai, Sub-Distritu Baguia.

Foho Matebian hanesan sai fatin ba turismu hodi atrai ema turista sira husi estranjeiro no fatin Matebian hanesan fatin uniku hodi marka istoria no memoria ba povu Timor Leste tomak durante luta hasoru okupasaun portugues no indonezia. nomos oin loron Foho Matebian nakfilak an sai fali fatin ba investimentu ekonomika ba nasaun doben Timor Leste hodi hadia povu nia moris ne’ebe mak sei kiak no mukit nia laran liu-liu ba povu baguia oan sira, tanba ne’e povu Timor Leste tenki aproveita diak-diak ba.